වෙරෝනිකා මැරෙන්න තීරණය කරයි!

දහසකුත් වේදනාවන් දරාගෙන වුවද සෑම උදයකම හිමිදිරිය සේ ඈ සිනාසුනාය, සිපගත්තාය, වැළදගත්තාය. අසීමිත වේදනාව පසෙකලා දින සති මාස මා හා ගෙව්වාය. නමුදු ඇගේ ප්‍රේමණිය හැගීම් මරාගෙන වේදනාව එන්න එන්නම උඩුදිව්වාය. ඉතිං ඒ වේදනාව උහුලණු බැරිම තැන ලය පැලී ඈ මිය ගියාය. 

වෙරෝනිකා! සිහියකින් හා අසීහියකින් මා උමතු කල එකම ප්‍රේමය! ජිවිතය සියලු දේ නොසගවා මා හා බෙදාගත් ප්‍රේමය! ඇසිල්ලකින් මා වසගකරවා මන්මත් කරවු ප්‍රේමය! හදවතේ හැම අස්සක් මුල්ලක් නෑරම අයිතිකරගත් ප්‍රේමය! එහෙත් දැං ඈත ස්ටෙප්ස් තණ බිමට නුදුරෙන් වු ගව පට්ටියට එහායින්  අසල ඇති ලදු ගාලේ ඇගේ ප්‍රේමණිය හදවත වළ දමා ඇත. අවුරුද්දකට පෙරාතුව හිටවු එකම ලීලි මල් පැලයෙන් ලිලී මල් යායක් ඇගේ හදවත් පුරා දැං අරක් ගෙන ඇත. සීත සුළගේ වුවද සීනු හඩ නගමින් ලිලී මල් නැටුවේය. 

ප්‍රේමය බරට අරගෙන වේදනාවන් මට ඉතිරි කර ඇය දැං විශ්වයේ කොතැනක හෝ සැරිසරමින් සිටිනවා ඇති. 

කළෙක ප්‍රේමය වෙනුවෙන් මරාගෙන මැරෙන්න බෝම්බකාරියක් වු ඇ; ප්‍රේමය ඇතැර ජිවිතයේ සිහිනය වෙනුවෙන් බැද තිබු බෝම්බය පුපුරවාගෙන මිය ගොස් අදට අවුරුද්දකි. සත් දොහේ මතක බණ හංදීයේ බාර් එකේ දුන් පසු ඈ වළ දැමු පැරණි මතක ආයෙමත් හාරන්නේ අවුරුද්දකිනි. එතරම්ම දිගු කාළයක් මා මාවම රවට්ටමින් හැංගෙමින් කට්ටි පැනමින් සිටියේ තවමත් කියා හෝ ලියා ඉවර නොකල ශේෂයක් ගලක් මෙන් බරට හිත තුල තබාගෙනය. එසේ නොවිනම් සිරෝසියස් හෝ පිළිකාවකින් මාද මිය යන්නට ඉඩ තිබිණි. ඇගේ සියදිවි හානිකර ගැනිම මගේ පව නිසාවෙන්ම ඒ වේදනාව විදව විදවා මාද ලය පැලි මිය යායුතු බැවින් මම ජිවිතයේ ලග වංගු නැව්වේමි. සෑම රෑයකම මැද නැගිට යහනේ අනෙක් පස ඈව සෙව්වෙමි. සෑම හිමිදිරියකම ඇගේ හාදු නැතිව හිත සුසුම් ලෑවෙමි. සෑම වෙහෙස කර දිනක අවසන වු නිශ්ෂ්බ්දතාවය මා නොමරා මැරුවෙමි. ඉතිං ඇය තබා ගිය මං සළකුණු හැමතැනමය. මෙතරම් කාළයක් බර සුසුමක් හෙලා අනෙක් මොහොත හා ගැට ගැසී ජිවිතය ගෙවුණේය. වේදනාව නිහඩ සුසුම් වල පාවී ඈතට ඇදුණි. ඒසැණින් තවත් මතකයක් හදව පහුරු ගෑවේය.

 

වෙරෝනිකා! ජිවිතයේ අතරමැද මග හැරුණු අසීමාන්තික ප්‍රේම අස්වැන්න. ජිවිතයේ මග කියා දුන් ප්‍රේමන්විත භාර්‍ය්ව. සිහිනයක් වීරියෙන් යාථාර්තය තල්ලු කල ප්‍රේමවන්තිය. මහලු වනතුරු එකට වසමු යැයි කියා අතරමග අතැරුනු සිහිනය. දැං ඉතිං වසන්තය ආවත් එකයි නාවත් එකයි! 

සිතේ පිරිතිබු වේදනාත්මක කෙන්තිය යන්නටත් එක්ක මුලු ලිලී මල් යායම මම උදලු ගෑවෙමි. සීත කලුවර දිනක් වුවද මා ගතම දහදියෙන් නැහැවුණි. ඇයට ඕනෑනම් ඉස්සර වගේ ආයෙමත් දොඩමලු විය හැකිව තිබිණ. එහෙත් පසු අවුරුද්ද මෙන් තවමත් ඈ නිහඩ පිළිවෙතෙහිම සිටියාය. කෑගසා අඩන්නට උවමනා වුවත් තවත් මගේ කදුලු ඇගේ හදවතට බර කිරිමට උවමනාවක් නොවිනු හෙයින් ඇගේ හදවත වළදැමු තැනට හරියටම අඩියක් ඉහලින් අඩි තුනක් ගැඹුරට වළක් හාරා ගෙන ආ එක් විලෝ ගසක් එතැන පැල කළෙමි. අඩි පහක් පහළින් තවත් වළක් හාරා ලයිලැක් ගසක් සිටෙව්වෙමි. මහන්සියට මා ඈ අසලම වැතුරුනෙමි.  නමුදු එදා විදි උණුහුම තවත් එහි නැත. 

විලෝ ගස් සෙවණක

අලු පැහැති හැන්දෑවක

ලිලී මල් කිණිත්තක් හිස ගසාගෙන

හිනා වෙනවද

මටයි මගේ හිතටයි

ඇස් කොණින්වත් වැටෙන්නට නොදී

හිත පුරා ඉඩ හැදුව

දැං ඉතිං තනිව ඇවිද යන

හිනා වෙනවද

මටයි මගේ හිතටයි

හීන මංසල පාලුයි

වචනයක්වත් නැහැ කවියකට ඈදෙන

සමු නොදී සමුගැන්මනම් මේ

එක වරක් තව හිනාවෙන්න

මටයි මගේ හිතටයි!

ඇයට දකුණු පසින් තවත් වළක් හාරා මම මගේ හදවතද වළ දමමි. පිළුණු වු අතීතයකුයි, සාපලත් අනාගතයක්ද රැගෙන මම එදා මෙන්ම කලුවරේම නික්ම යමි. ඉතිං සමහර විට පාලු විදී වල හදවත නැති මිනිසෙක් ඔබටද හමුවිය හැක. 

වෙරෝනිකාගේ ප්‍රේමය මෙසේ අවසන්‍ ය.

ඒ කතා කරන ඇස්!

මම ඇය  දැන අදුනගන්නා කාළයේදි ඇයට තිබුණේ කතා කරන ඇස් දෙකක් සහ වසගකාරි සිනාහවක්. හමුවෙන හැම දවසකම වගේ ඇග‌ේ ඇස් ඒක්ක මට ලොකු කතාවක් තිබුණා. බොහෝ වෙලාවට මම ඇගේ ඇස් දිහා බලා හිදින විට ඇය කිව්වේ "ඔහොම බලන්න ඒපා මං දියවෙලා යයි" කියලා. එවුණාට ඇගේ වචන වලට වඩා ඇස් වල කතාව වෙනස්ය, බලාපොරොත්තු සහගතය, ලෙංගතුය. ගැහැණියකගේ කාන්තිමත් ඇස් වලට ආස නොකර පිරිමියා කවුද? ඒත් මේ ඇස් අනෙක් අයගේ ඇස් වලට වඩා වෙනස්ය. අමුතුය. තුවාල වන සුලුය. ඔබව ඔසවා පොළවේ ගැසීමේ හැකියාවක් ඒ ඇස් සතුය! ඒ තරම් බැතිබරය! සෙනෙහෙවන්තය! ආකර්ශණීය ය. ඒ වගේම ඇගේ වසගකාරි සිනහාව. ඔනෑම පිරිමියෙක් ගැහැණියක් වසග කළ හැකි මායාකාරී සිනහාවක් ඇය සතුවිය. ඒක අව්‍යාජය! සැහැල්ලුය! හැබැයි වෙඩි තියනවා වගේය. පපුව හරහා ඇදී ගිය ඒ හිනහව තාමත් හිත කොණක රිදුම් දෙන්නේ ඒ නිසාමය.

ඈත පාලුපාරේ කෙලවර හුරුබුහුටි තරුණ කෙල්ලක්! නොදන්නා මා ඉදිරියේ ඒ කාන්තිමත් ඇස් බැබලුනේ බොරැල්ලේ තොරණේ ලයිට් වගේ! ආසිරි ඒකේ ඒක්ස්රේ මැෂිම වගේ උඩ ඉදන් පහළටත් පහළ ඉදන් ඉහළටත් ඇගේ ඇස් දිව්වේ ඇගේ තුන් හිතකවත් මං වගේ රස්තියාදුකාර දියවෙමින් හිදපු පිරිමියෙක් ගැන අදහසක් තිබුණේ නැති විත්තිය තහවුරු කරමිනි. ඒ ඇස්වලටත් හිනාවටත් දැකපු පළමු වතාවේ ම මම ආසා කළේමි! ප්‍රේමයක් බැදුණෙමි! ඒහෙත් ඇය තවම සිටියේ අස්ථාවර ස්ථානයකමය. බොහෝ කැපවීම් කළ යුතුව ඇතැයි ඒ මොහොත මගේ හිතට සංඥා කළේය. ඒක දුරදිග විහිදුමක්ය.

ඇය කතා කිරිමට රිසිය. මට අහං ඉන්න පුලුවන්ය. අතෝරක් නැතිව කියවන වෙලාවට මට හිතේනනේම ඇගේ දොතලේ සිප ගන්නය. ඒ තරම් ඒය හැඩය! රසය! මනබදින සුලුය! ඇය ටිකෙන් ටික ප්‍රේමය තුල දියවෙන්ටත් මම ඒ ප්‍රේමය තුලම ආශ්වාදි ලෙස සැරිසරන්නටත් පටන් ගතිමු. ප්‍රේමයේදී ඇගේ වාන් දොරටු සියල්ල ඇරදමා ඇය රිසි සේ ප්‍රේමයෙන් අතරමං වුවාය. අගේ දොතොල් වලටත් කතා කරන ඇස් වලටත් මං දැඩි ලෝභකමකින් මනබදින්නට විය. මගේ හිත ඇතුලේ මේ නැවුම් ඇහැරීම මම හෙමෙන් වචන කරමින ලියන්නට පෙළඹුනෙමි. ඇය ඇඩි ලේභකමකිනුත්, ඇල්මකිණුත් ඒ සියල්ල ඒකතු කරන්නට වුණා. පුංචි පුංචි දේවල් ගොඩාක් ඇයට වටිනා දේවල් බවට පත්වුණා. දේවල් වෙනුවට මොහොතවල් ඒකතු කරන්න ඇය පෙළඹුනා. මේ සියලු දේම මගේ සියලු ආශාව, පැවැත්ම, ප්‍රේමය බවට පත්වුණා! රස්තියාදුකාර දියවෙමින් හිටපු මම ඇගේ හිත තුල ආයෙමත් ඉපදෙන්න වුණා. සිගරටි වලට කලු ගැහුනු මගේ දෙතොල් වලට ඇය ජිවිතය අරං ආවා. කොටින්ම කිව්වොත් පප නොදන්නා ලෝකයකට ඇය රැගෙන යමින් තිබුණා. ඇගේ හිත තුල අතරං වෙමින් සිටි මට ඒ කිසිවක් වැදගත් නොවුණේම ඒ අතරමං විමට මම මනබැදී නිසාමය.

ඒහෙත් කාලෙකට පස්සේ අපි විවහා වුණා! ඊට පස්සේ ඇගේ කතා කරන ඇස් ගොලු වුණා! මගේ වාන්දාපු හිත හිදිලා ගියා! අපෙයි කියලා පොළවක් අපිට නැතිවුණා! අපි ඔහේ කාළය ගෙවලා දැම්මා. ඇයට ප්‍රේමය අහිමි වුණා! මට ජිවිතය නැතිවුණා. ඊටත් කාළෙකට පස්සේ අපි වෙන්වුණා! මට ආයෙමත් ජිවිතය හමුවුණා! සිගරට් ලගම මිතුරෙක් වුණා. විස්කි වලින් දුක තුනි වුණා! මම ආයෙමත් ලියන්න ගත්තා. වැඩ කරන්න ගත්තා. ඒත් මට ප්‍රේමය මගහැරුණා!  

 

ඔබ එදා ගිය නිසා!

 

එක නාදුනන නගරයකි. එක නොදන්නා සීත සෘතුවකි. වෙනදාටත් කලියෙන්ම කලුවර නගරය පුරාම පැතිරෙමින තිබුණු අතර මිනිසුන් උණුසුමක් හොයමින් තම තමන්ගේ නිවෙස් තුල ගුලුවෙමනි ඉන්න ඇති. කලුවරට වඩා අප අතර තිබු විරසකය එන්න ඒන්නම උඩු දුවමින් තිබුණා. නිතර නිතර සැක කිරිම්, හිත් රිදවිම්, මානසික වියවුල් මෙන්ම තවදුරටත් ඒකම වහල යට වාසය කිරිම පවා හීනයක් වෙමින් තිබුණු රාත්‍රියක් ඒ්ක! දෙදරා යාම පැහැදිලියි! 

වෙරෝනිකා.......

මම හැමදාම ප්‍රර්ථනා කළේ ඔයාගේ සුඛවිහරණය පමණමයි. නොදන්නා රටක නොදන්නා මිනිසුන් අතර නොදන්නා භාෂාවක් එක්ක ගණුදෙණු කරමින් මගේ දහදිය මහන්සිය කදුලු හෙළමින් හැමදාම මම උත්සහා කළේ ඔයාව රැජිනක් වගේ තියන්න. පුලුවන් හැම වෙලාවකම මම ඔයාව තල්ලු කරේ ඔයාගේ දක්ෂතාවයන්ගෙන් ඉදිරියට යන්න. චිත්‍ර අදින්න ඔයා දක්ෂ නිසාම ඒ්වා පාරේ තියාගෙන විකුණන්න පවා මම ඉදිරිපත් වුණා. ඉගෙනීමට ඔයාගේ තියෙන සුවිශේෂ හැකියාව නිසාම ඔයාව උනන්දු කළේ වඩා හොද තැනකට යන්න වැඩිදුර ඉගෙන ගන්නමයි. මම ඉතාම සීමාසහිත හැසිරිම් රාටාවක් තියෙන සත්වයෙක් නිසාම මම දන්නා සියලු දේ මේ රටට මේ නගරයට මේ මිනිසුන් තවදුරටත් වැඩක් නොමැති නිසාම කම්රුවෙකු සේ වෙහෙස වුණේම ඔයාට හොද හෙටක් ලබා දෙන්න විතරමයි. මගේ පවුලේ සියලු දෙනාගෙන් හා මිතුරන් සියලු දෙනාගෙන් විතැන්වී ඔයා තුලටම මම තව තවත් කිදා බැස්සේම ඒ් තනිකම, කාන්සිය, වේදනාව මගහැර ගන්නමයි. ශක්තියක් හොයා ගන්නමයි. ‌ප්‍රේමයෙන් ආයෙමත් හට ගන්නමයි. වෙරෝනිකා තාමත් ප්‍රේමය කියන්නේම ඔයා විතරමයි.

ඒත් වෙරෝනිකා......

මේක තමයි අපිට ඒන්න පුලුවන් උපරිම දුර! තමන් වටා හිදින මිනිසුන්ගේ උවමනා එපාකම් මත ජිවිතය ගොඩ ගැහුවම යන්න පුලුවම් උපරිම දුර මෙක තමයි! තමන්ගේ ජිවිතය විනාස කරමින් අනුන් මත් ජිවිතය පැළ කලාම ඒන්න පුලුවම් දුර මෙක තමයි! 

රාත්‍රීන් කියක් ‌මේ සීතල පාරවල් ගානේ ගෙවෙන් ඇත්ද? සිගරට් කීයක් නොනිදි රාත්‍රීන් වල දවා හලු කරන්නට ඇත්ද? කාත් කවුරුවත්ම නැති කිසිදු අයෙක් හදුනන්නේ නැති නගරයක හිගන්නෙක් සේ තැනින් තැන ගමන් කිරිම ඔබට මානසිකව දැනෙන්නේ කෙසේද? 

වෙරෝනිකා......

ජිවිතයේ ලගම හිටපු අය නොදන්නා මිනිසුන් බවට පත්වෙන්න ගතවුණේ තප්පරයකටත් වඩා අඩු කාළයක්. ආදරෙන් රැකබලා ගත් සළකපු උවටැන් කරපු අය ප්‍රේමයත් ඒක්කම වළපල්ලට ගිහිං. මිනිසුස් වෙනස් වෙනවා ඒත් මෙහෙම! හිනාවෙන්න දහසක් මිනිසුන් හිටියත් ලගට ගන්න උදව් උපකාර දෙන්න ඉන්නේ ඒකයි හෝ දෙන්නයි. හැබැයි තමන්ගේ යැයි සිතා හිටි මිනිසුන් අහක බලද්දි මිනිස් කන්දක් ඒක්වරම ලග රැදීම ආදරයම මිස අන්කවරක්ද? 

ඒත් ‌‌වෙරෝනිකා වසන්තය ආයේ එනවා මට විශ්වාසයි! ඔයා ලග හිටියත් නොහිටියත්! මග බලා හිදීමට වඩා බිංදුවේ සිටම වැඩකිරිම ප්‍රමාණිකයි! දැං මේ සියල්ල වචන පමණක්ම වන ඔයාගේ ලොකෙන් ඒහා අලුත් ලෝකයක් අලුත් හීනයක් අලුත් අලුත් පරිච්ඡේදුයක් ලියමින් ඉන්නේ! 

වෙරෝනිකා මං හිතුවේ මගේ උමතු බව හින්දම මම ඔයාට ‌ප්‍රේම කරනවා කියලයි. ඒත් වෙලා තියෙන්නේ අන්ධයෙක් වගේ ඔයාව විශ්වාස කිරිම පමණක්ම යැයි කියලයි මට හිතෙන්නේ. සිගරට් වලට පුලුවන ජිවිතයක් හෙමෙන් හෙමෙන් බිලි ගන්න, අරක්කු වලට පුලුවන් මිනිහෙකුගේ මතකය මකලා දාන්න ඒත් ප්‍රේමයකට පුලුවන් මිනිහෙක්ව විනාශ කරන්නත් ඒ් මිනිහවම ආයෙමත් නැගිට්ටවන්නත්! ඉතිං වෙරෝනිකා අරක්කු සිගරට් වලට ප්‍රතිපක්ෂව මම ආයෙමත් ප්‍රේමය තෝරා ගන්නවා! ගිණි පෙල්ලෙන් බැටකෑ මිනිහා කණාමැදිරි එළියටත් බයයි කිව්වට ඒ් බයම තමයි අපිව හෙට දිනයේදී ත් ජිවත් කරවන්නේ. මිනිස්සු වුණාම වැරදි කරනවා මම හිතන්නේ නැහැ කිසිම මිනිහෙක් දැන දැන වැරදි වැඩවලට පෙළ‌ඹෙනවා ඇති කියලා. ඒහෙම වෙනවනම් ඒ් වැරැද්ද තෝරා ගන්න ඒ මිනිහටම සුවිශේෂි වු හේතුවක් ඇති. හැගීම් සමුදායක් විනාශවෙලා කිසිදු අකුරත් අමුණ ගන්නවත් බැරිව ඉන්න මිනිහෙකුගෙන් ආදරය ගැන හේතු මුමුණලා වැඩක් නැහැ. 

ප්‍රේමය කියන්නේ ලිංගිතක්වය තුල සුරාන්තයට පත්වීම පමණක්ම නෙවෙයි. හුරතල් වීම, ලංව හිදිනා මොහොතවල්, නළලත සිප ගැනීම්, පුංචි පුංචි සිපගැනීම්, වැනි කුඩා ඒකතුවීම් රාශියක් එකතුවක්! ජිවිතේ පරණ වෙන්න පරණ වෙන්න පරණ පුරුදු අපි හැමෝටම අමතකව යනවා. වෙරෝනිකා ජිවිතයේ ආදරය පිළිබද විතරක්ම විශ්වාස කරලා පාත් ඒක්ක පැනලා අපි ඔයා විදවනවා බලාගෙන තනියම සුසුම් හෙළනවා ඇරෙන්න කරන්න කිසිම දෙයක් නැතැයි කියලා හිතෙන හැම මොහොතකම පපුව කිරී ගැහිලා වේදනාවක් උඩුදුවනවා. හැමෝම හිටපු ඔයාව හැමෝම අතහැරලා දාලා තනියෙම විදවන්නේ මං හින්දා නේද කියලා හිතෙනකොට මේ මෙල්බන් නගරයම දෙදරා යන්න කෑගහන්න හිතෙනවා. සත්තමයි! එත් ආයේ ලගා වෙන්න බැරි තරම් දුරකට ඔයා මාව තල්ලු කරලා ඉවරයි. හැබැයි වෙනවීම කියන්නේ ඒකම විසදුම නම් ඔයාගේ ඒ් විසදුමට ගරු කරලා මං ඈතින ඉන්නම්! සමහර විට මෙක සමුගැනීමම වෙන්න ඇති.

වෙරෝනිකා තාමත් මම කියන්නේ 

මේ මෙහොතේ මරණිය වේදනාව මම නම් තාමත් ප්‍රේමය කියනනේ ඔයාමයි! ඔයා විතරමයි! 

ප්‍රේමයක්...! නැහැ එක සුවදක්...!

මම හිටියේ ඇයට අතපාන දුරිනි. මද අදුරේ වුවත් මට ඇගේ දිළිසෙන දෑස්  පැහැදිලිව ‌පෙනුනා. මදක් උස් බාර් ස්ටුල්යක් මත හිද උන් ඈ බිත්තියටම අල්ලා සකසන ලද ‌කෙටි දිගු ‌‌මේසය මත තබාගෙන සෙසේජ් බනිස් ගෙඩියක් රස බලමින් උන්නාය. ඇගේ ඇස් හොරෙන් වුවුත් මා ඇස් හා ගැටෙමින් බිම බලමින් ආයෙමත් ගැටෙමින් ආයෙමත් ‌වෙනතක යමින් අප දෙදෙනාටම නුහුරු සෙල්ලමක නිරතවෙමින් පැවෙතුනා.

බැරිම තැන නිහඩතාවය බිදිමින් ඈ හඩ අවදි කළාය.

"ඔච්චර දුරින් ඉන්නේ ඇයි? හදිස්සියෙවත් මාව වැටුණොත් අල්ල ගන්නෙවත් කවුද? "

මං හිටියේ ඇගේ ශරීරයෙන් විහිදුවන සුවදින් ම් වෙලා ය! ඒ් සුවද මාව මන්මත් කරමින් ඈත අනත්තයක අතරමන් කරමින් උන්නා. විලවුන් සුවද හා මුසුවු දහදියත් ජිවිතයත් ‌කෙලිදොල්බවත් දගකාරකමත් ඒක්වරම ඒ් සුවදේ ගැබ්බ තිබුණූ බව මට ‌හොදටම විශ්වාසය. ජිවිතයේ කිසිම දිනක දැනී ‌නැති ඒ් සුවද හදෙහි ගැබුරුම තැනක පැලපදියම් වෙද්දී මම පියවී සිහියට ආවා.

හීනී දාදිය බිදුවක් කෂේරුකාව දිගේ පහලට යද්දී මම ඇගේ ප්‍රශ්ණය පිළිතුරු ඇමුණුවා.

" මං ටක් ගාලා පැනලා අල්ල ගන්නම්! බයවෙන්න ඒපා!"

ලැජ්ජාවෙන් ‌ම‌ෙන් බිම බලා ගත් ඈ ‌නොසිතු පිළිතුරෙන් කම්පා වු ස්භාවයක්ද තිබිණ. ඒහෙත් ඒ් දගකාර හිනාව තාවමත් පීදෙමින් තිබුණා. විටෙන් විට මුහුණුට වැටෙනා ‌කෙහෙ රැල්ලක් කන් ‌පෙත්ත අස්සේ රදවමින් මටද සිනහාවකින් ආචාර කරන්නීය. ඒහෙත් ඒ් කිසිවක් මට වැඩක් තිබුණේ නැත. මා උන්නේ ඇගේ සුවදත් දිළිසෙන දෑස් අතරත් මංමුලා වෙමිනි. ඇයට තිබුණේ වසගකාරී නිල් පාට ඇස් ‌දෙකකි! ඒ් ඇස් මා සමග ‌දිගු කතාවකට මුල පුරමින් හිටියා. මාව ප්‍රශ්ණ කරමිනුත්, මාව හුරතල් කරමිනුත්, මාව ‌කොනිත්තමිනුත් ඈතකට මා ඇද යමින් උන්නා. මේ මොහොත අප දෙදෙනාටම නුහුරු නුපුරුදු අත්දෑකිමක් අප ජීවත් වලට ඒක් කරමින් තිබුණු නිමේෂයකි. ඇය තුල මා කෙරෙහි ආලයක් ‌වැඩෙමින් තිබුණාදැයි මම නොදනිමි, ඒහෙත් මා තුල නම් ඈ කෙරෙහි ආල හැගුම් සමුදායක් මේ වන විටත් තටු ලබමින් ඉගිළ යමින් තිබුණා.

දෙතුන් වරක් ඒක් එල්ලයේ මා දෙස බැල්ම හෙලු ඈ ආයෙමත් නිහඩතාවය බිදින්නට වුණා. 

"මොකද බය වෙලා වගේ ඉන්නේ?"

ඇගේ හිනාව හුරතල්ය. සිනහා වන විට ඇගේ පුංචි කම්මුල් රෝස පැහැ ගැන්වේ. ඈ කතා කරන විට ඇගේ සිහින් ‌‌‌තොලපෙති උල්වන හැටිනම් චමත්කාරජනකමය. ඒ හැම ‌‌දේකටම වැඩිය ඇගෙන් නික්මෙන  සුවද.....!!!

ඔබට විශ්වාස කළ හැකිද මුලු ජීවිත කාළයම මතක හිටින එක් සුවදක්? ආලයෙන් උමතු කරවන, ‌‌ප්‍රේමයෙන් හිත හිරිවට්ටන, ‌‌රෝමෑන්තික හීන අහුරු හිත අහුමුළුවලට විසි කරවන සුවදක්!!! ඔබට විශ්වාස කළ හැකිද එහෙම සුවදක්! ජිවිත ගමන පුරාම ‌‌නොදැනම පසු පස හඹාවිත් තිබුණු සුවදක්!

ඇය උන්නේ තාමත් මා දිහාම බලාගෙනය. යාන්තමට ‌‌මෙන් හීනාවක් ඇගේ මුවග තවමත් ඇත. ඒ ඇස් මගේ ඇස් හා ගැටෙන හැම තැනදීම පපුවේ ගැඹුරුම තැනක විදුලි ‌‌කොටන්නේ ‌මේ මාගේ ප්‍රථම ‌‌ප්‍රේම අත්දැකීම නිසාවත්ද? 

ඇය ඉතා මෘදුවත් ඉතා ‌සෙමෙනුත් හැගුම්බර ‌ලෙසත් ‌‌මේසය මත වු මගේ අත්ලට තට්ටුවක් දැමුවේ මා වශිකෘතව හුන් හීනයෙන් ඇහැරවන්ට ‌මෙනි. තිගැස්සුන මගේ දෑස් ඇගේ දෑස් හා ‌වෙලෙන්නට විය. ඇගේ ඇස් සැමවිටම දීප්තිමත්ය! ඒනිසාම ඈ රන්වන් පාටය! ‌දෙතොල් සිහින්ය, ‌ලා ‌රෝස පැහැය ය, ‌කොණ්ඩය ‌කෙටිය. ඇගේ පාසල් නිල ඇදුම අනෙක් ගැහැණු පාසල් නිල ඇදුමට සාපෙක්ෂවම ‌වෙනස්ය. ටයි පටියක් ‌නොමැති අතර හතරැස් කරින් යුක්ත ගවුමකි. හතරැස් කරින් විවෘත වී ‌‌පෙනෙන ඇගේ උර ඇට ඉලිප්පී ‌පෙනේ. ඇය කෘෂය. උසය. හැඩය. හුරුබුහුටිය. 

"මොකද අනේ බය වෙලා වගේ ඉන්නේ?"

ඇය ‌දොඩමලුය! වචන උරුම ඇයට ය. ඇය ඉදිරියේ හැමදිනකම මම නිරුත්තරය! ‌ගොලුය! බිහිරිය! හීන විතරක් පූපුදමින් මං ඈ හා අනන්තයක හිරවෙමි. 

"ඔයා කාලා ඉවරද?"

උත්තර ‌‌හොයමින් මමද ‌දොඩමලු ‌වෙමි. ආයෙමත් ‌ගොලු ‌වෙමි. හීන ඇහිදිමි. හිත පුරා අතුරාගනිමි. පසුව විදවන්ට සුරක්ෂිතව හැම ‌මොහොතම හිතේ රදවා ගනිමි. ඇය ‌මේ කිසිවක් දන්නේද නැත. ‌නොදන්නාවද විය ‌නොහැකිය. 

"අපි යමු...... ‌හොදටම රෑ ‌වෙනවා...!"

දැං ඇයට හදිස්සිය. මහල්වරාවට කලුවර අරගෙන රාත්‍රිය එඹෙමින් තිබුණා. අතේ තිබුණු පංති ගාස්තු වලින් බිල ‌ගෙවා දැමු අපි මහල්වරාව හංදියට පා නැගුවෙමු. ඇයට කිට්ටුවෙනුත් ඇගේ ගෑවෙන ‌නොගෑවෙන තරමිනුත් ඇගේ සුවද දැනෙන දුරකිනුත් මම ගමන් ගතිමි. ඇය මහල්වරාව බස් නැවතුම්පලේ රදවා මම ‌කොට්ටාව ‌දෙසට පයින් ඇවිද්දෙමු. ඒ අනාගත පරිස්සමටය. එදවස ඒහෙමය. ඇගේ සුවද ‌ගෙන තනියම හීන් කලුවරකට මුවා ‌වෙමින් මම හයිලවල් පාර දිගේ ඇවිද්දෙමි. හීත පුරා අතුල හීන පිරිමදිමින් කලුවරේ මම සැගවුණෙමි. 

වෙරෝනිකා........

වසර ගණනාවකට පසු පිට ‌දේශයක සුදු මිනිසුන් මැද ඒ සුවද ආයෙමත් පරණ මතකයන් අරගෙන හීනයක් දිගේ ඇවිත් තිබුණා. ජිවිතේ ඒහෙමය! ජිවත් ‌වෙනවා කියන්නේද ඒකටමය! මතක අමතක වන පරණ මතක අලුත් වන අලුත් දෑ මතකවන ඒකටය!

වෙ ‌ර‌ෝ නිකා.....

ඒක පාසල් ප‌්‍රේමයක්! බලාප‌ොර‌ොත්තුවක් තිබුණේ නැති, අවසානයක් දන්නේ නැති, සමාප්ති සටහන් නැති, ඒකතුවෙන්න ඉඩක් ‌තිබුණු න‌ො තිබුණු පාසල් ප‌්‍රේමයක්. පරණ මතක අවුස්සමින් කාටවත් ගින්නක් ‌ද‌ෙන්නවත්, කාගෙවත් හිත් අවුලවන්නවත් ඔනේ කමක් ‌‌ක‌ොහ‌ෙත්ම නැහැ. ඒත් ඒක්තරා  අහඹු සිදුවිමක් නිසාම හිතේ ‌ක‌ොණක කීරී ගැහි නැවත් උඩට මතුවු ඒ් සුන්දර මතකය‌ේ ඡායාවන් ‌බෙදා ගන්න හිතුණා. ජිවිතය පසු කරපු පරිච්ඡේදයක්, තරුණ කාළේ හිත වැටුණු ‌ප‌්‍රේමයක්, කසාද මිනිහෙක් ආයෙමත් රහට ලියද්දි!

ව‌ෙර‌ෝනිකා මං දන්නවා ඔයාගේ ඉවසීමේතරම, තේරුම් ගැනිමේ ප්‍රමාණය, ‌කෝපයේ දිග පළල. ඒත් මට ඔයත් ඒක්ක පරණ ‌දේවල් ‌බෙදා ගන්න ඔ්නි වුණා! ‌මේ මගේ හැටිය! ඔව් මම ‌‌ගොලුය ඒදා වගේම අදත්! මං කැමති හීන දකින්න. හීන වලින් හිත පුරෝගන්න. හීන වල ගිලිලා මැරෙන්න!

වෙරෝනිකා..... ආදරේ විතරක්ම ‌දෙන්න පුරුදු ‌වෙන්න ‌‌වෙනවා මට ආයේ!

පරණ වු ආලයක්!

අන්දකාරයත් වැහී බීරම් විසින් වෙලාසනිම්ම මිනිසුන්ව ගෙවල් වලට ගාල් කරලා. ඈතින් පේන පාළම මත දිදුළන විදුලි ආලෝකයට රටාවකට නැති වුණත් වැටෙන වැස්ස හරි හැඩයි. මිනිස්සුන්ට එක එක අර්ථ දැක්වීම් තිබුණා ඔයා ගැන වෙරෝනිකා. සමහර ඒවා ඔයා මට කිව්වේ බෙහෝම උජාරුවෙන්, තවත් සමහර ඒවා ඔයා කිව්වේ නොක්කඩු ස්වරූපයෙන්. හැබැයි ඒ හැම දෙයක්ම අඩු වැඩි වශයෙන් ඔයාගේ ජිවිතයට බලපාන විත්තිය නිහඩවම මම දැනගෙන උන්නා. දැං ගොඩාක් කාළයක් මම මග බලාන ඉන්නවා ඔයා ආයෙමත් ඒවී කියලා. එත් දැං මං දන්න දේ තමයි ඒ ආවත් එන්නේ මං දන්න වෙරෝනිකා නොවන විත්තිය. ජිවිතේ අඩු පුරවන්න ඕනෑම දෙයක් කල හැකි මිනිසුන් සිටින සමාජයක වෙරෝනිකා ඔයත් තව එක්කෙනක් විතරයි කියලා මට පසක් වෙමින් තියෙනවා. තමන්ගේ වැරදීකාරිත්වය තමන්ගෙන්ම වහගෙන මිනිසුන් විවිධ දේ ඒ සදහා කියමින් හා කරමින් ඉන්නවා. 

වෙරෝනිකා....

මේ බියර් මත නිසා මගේ ඔළුව පැලෙන්න කකියනවා. එත් පෙන නගමින් විදුරුව මතට පිරෙන බියර් වඩියක් මගේ උගුරෙන් පහලට යන්නේ අපි ගැන මතක සියල්ලම දවා හළු කරගෙන. එත් එක පාරටම ඔයාගේ දෙතොල් මගේ දෙතොල් ඉස්සරහා තියෙද්දිම මට පියවි සිහිය හැමදාම එනවා. සිගරට් ෆිල්ටරයට කළු ගැහිලා, තැම්බිලා තියෙන දෙතොල් ආයෙමත් අස්වද්දදන්න ඇයි තවම ප්‍රමාද...??? 

වෙරෝනිකා....

ඔයා හිටියේ ඇස් තදින් වහගෙන... හරියටම කෙස් ගස් දෙකක් දුරින් ඔයාගේ දෙත‍ොල් නැවතිලා තිබුණේ මගේ දෙතාල් වලට. ඇස් ඇරං හිටපු මට නළියන ඔයාගේ දෙකම්මුල් හයියෙන් හපන්න හිතුනා. එත් ඔයාගේ දෙතොල් මග හැරලා එහෙම කරන්න විදිහක් මට නැහැ. ලා රෝස පැහැති තොල් සායම් දියවෙලා ගියදෙන් කියලා මම ඔයාගේ දෙතොල් සිප ගත්තේ....... 

වෙරෝනිකා....

මත් බව කියන්නේ මේකටනේ............ මගේ මුළු ශරීරය පුරාම විදුලි දහරාවක් ගමන් කරමින් තිබුණේ, ඒ නිසාම මම ඉපිලෙමින්, ආයෙමත් ඉපදෙමින් හිටියා. අඩ අදුර විසින් තව තවත් මා මොහොනයට පත් කරමින් තිබුණා. මට තිබුණේ බොහෝම කලබලයක්...

වෙරෝනිකා ..... මං කල්පයක් බලා උන්නා.....

මං දැං ඔයාගේ ලගනේ.... මාව වැළද ගෙනම ඉන්න.... තදින්

ඇයගේ හඩ සිහින්ය. රෝමෑන්තිකය. වශි කරවන සුළුය. ඔයාගේ දෙතොල් වලින් බැස්ස මගේ දෙතොල් ඊලගට නැවතුනේ ඔයාගේ දෙවුර මත. මම හිමිහිට ඔයාගේ ඇදන් සිටි ටී ෂර්ට කර එහා මෙහා කර මගේ හාදු ඒ සියුමැලි පුළුල් දෙවුර මත සිටෙව්වෙමි. ඒ වනවිටත් ඔයා ඉඩ හසර ලබා දෙමින් තිබු‌ෙණේ පහලට රූටන්න. මේ තරම් සැහැල්ලුවෙන් ඔයා මාව ඉවසන්න කොහොම පුරුදු වුණාද මංදා...?? හැමදාම මම ආස විලවුන් සුවද අදත් මට ගෙන දෙන්නේ ඔයා ගැන රෝමෑන්තික හීනමයි. එත් මම පියවී සිහියෙන් ඉන්න වගබලාගෙන උන්නේ හොදට.මගේ කරවටක් අත් යවමින් ඔයා හිටියේ ඇවිලෙන්න බලාගෙන. මම මාස ගණනක් තිස්සේ දැල් වෙමින් හිටියේ. 

තවදුරටත් මගේ වීදුරුව තුල බියර නැති බව හැගීමෙන් මම පියවි සිහිය එළඹවා ගතිමි. සිහිනයෙන් හරි මම ආසම ඔයාව සිප ගන්න, ලගට ගෙන මගේ ඇකයේ තුරුළු කර ගන්න, වෙරෝනිකා තව කල්පයක් මට බලාන ඉන්න වේවිද මෙහෙම....?? 

ඒක හීනයක් යැයි හිතපු කාළය ‌ග‌ෙවිලා ව‌ෙර‌ෝනිකා ඔයා දැං සදහටම මගේ ලග! රිදුණු තැන් පුරුද්ද ගනිමිුතු, කැඩුණු තැන් තනියම හදා ගනිමිනුත්, ව‌ේදනාව තනිව විද දරා ගනිමිනුත් මගේ හිතුවක්කාර හි‍ත ලග අවුරුදුම දහයක් ඔයා නැවතිලා! ආදරේ අඩු වැඩි වශයෙන්ද, ව‌ේදනාව මැනිය ‌න‌ො හැකි ප්‍රමාණයකින්ද සිනහාව අල්ප මාත්‍රයකින්ද දරාගෙන ආදරී ඔයා තාම මාගාව! ‌‌ක‌ොළඹ සද වගේ ‌ෙනොවුණත් ම‌ෙල්බන් හදත් හරි හැඩ තමයි! ඒත් ව‌ෙර‌ෝනිකා හද බලන්වත් මට ඉස්පාසුවක් තිබුණාද? 

ආදරේ පෑල ද‌ො රින් පැනලා යන්නේ හිටගන්න ‌ප‌ොළවක් නැති වුණාමද? ඒ්ක මගේ විකාරයක් විතරමද? ඒත් ව‌ෙර‌ෝනිකා සෑම ‌ද‌ොරක්ම විවෘත කරමින් ඔයාා තාමත් මට ආදරේ ඉස්සෝරෝම වගේ! මට ඒ්ම ඇති!!

අල්කයිදා ප්‍රහාරයෙන් වසර ගණනකට පසු දෙවියන් මුස්ලිම් ජනතාවට මක්කමදී දඩුවම් කරයි.

ආදරණීය වෙරෝණිකා...!

ඇමරිකා එක්සත් ජනපදයට අල් කයිදා සංවිධානය විසින් පාඩම් උගන්වා ඊයේ දිනයට වසර පහලොවකි. තමා පිළිබදව මහ උජාරවකින් සිතාගෙන උදම් අනමින් ලෝකයේ රටවල් කොල්ල කමින් සිටි ඇමරිකාවේ චිත්ත ධෛර්ය සුනු විසිනු වෙන්නට අපගේ භාෂාවෙන් කියුවහොත් කුඩු වෙන්නට ගසා ඊයේ දිනට වසර පහලොවකි.

ඉතින් වෙරෝනිකා කාලෙකට පස්සේ ඊයේ ඔයාව ආපහු දැක්කා නිසා ඔයාට ලියන්නට සිතුවෙමි. මෙතෙක් කල් ලිවීමට නොහැකි වූයේ ඔයාව අමතක වෙලා නෙවෙයි ලංකාවේ එකක් ඉවර වෙන්න එකක් එන ඡන්ද නිසා, පාළකයෝ පත් කරනවා ඇරෙන්න වෙන වැඩක් කරගන්න වෙලාවක් අපට තිබුණේ නෑ. එක එක දූෂන ගැන දේශපාලන පක්ෂවල ඉන්න අයම අපිට කියලා ආපහු අපි දන්න තොරතුරු තියෙනවනං එවන්න කියලා කියන නිසා අපි දැන් ඒ ගැනත් හොයන්න ඕන. මෙච්චර දහසක් එකක් වැඩ අතරේ ඔයාට ලියන්න නිමිත්තක් අද උදේ ජංගම දුරකථනයට කෙටි පණිවිඩක් විදියට ඇවිත් තිබුණා.

"සෞදි අරාබියේ මක්කම මහ පල්ලියේ දොඹකරයක් කඩා වැටී 107 ක් මරුට. 238 තුවාල ශ්‍රීලාංකිකයන් ඒ අතර නැතැයි මුස්ලිම් මහ පල්ලිය කියයි ."

ආදරණීය වෙරෝණිකා දෙවියන් ඇමරිකාව පැත්තේ හිටංද....? (අපේ ජනාධිපතිතුමාගෙන් ඉගෙන ගත්ත වචනයක් සිටගෙනද යන්න මෙයින් අර්ථ දැක්වෙන බව කරුණාවෙන් සලකන්න )

මේ කෙටි පණිවිඩයෙන් බොහෝ පිරිසක් මේ වන විටත් දුක් වෙමින්ද, තවත් පිරිසක් සතුටු වෙමින්ද සිටිනා අතර තවත් පිරිසක් දිට්ඨ ධම්මවේදනීය කර්මය වැනි මාතෘකා පිළිබදව උනන්දු වෙමින්ද සිටිනු ඇත. ඒ අතර සතුටු වන්නා වූ පිරිස අතර ඇතැමෙක් මුහුනු පොතට දමන්නට සිංහල ජාතියට වින කරනා හම්බයන්ට සිදුවූ මේ දේ අගය කරනවානම් ලයික් කර ෂෙයාර් කරන්න වැනි පෝස්ට් හදමින් සිටින්නට පුලුවන. එහෙත් මේ තුල ඇති මහත් වූ බේදවාචකයක් පිළිබදව ඔයාට ලියා තබන්නට උදෑසන සිත බල කලේය.

ජාතිකත්වයට යටකර මුස්ලිම් විරෝධය ලෝකයට ගොඩනැගූ මහබලවතා

වෙරෝනිකා....මුස්ලිම් ජාතිය වෙළදාම මූලික කරගත් ජාතියක් බව ඔයාට අමුතුවෙන් කියන්න උවමනාවක් නෑ. ඒත් මුස්ලිම් ජාතිය ජාතිකවාදය ඇතුලේ හිර කරපු අනෙක් ජාතීන් අතර පිළිකුල් කිරීමට හා හෙලා දැකීමට වින කැටපු ඇමරිකන් චීත්තේ ගැනනං නොකියා  ඉන්න බෑ. මේකට බලපෑවේ ප්‍රධාන කාරණා දෙකක් එකක් තෙල්  අනෙක මහබලවතා වීමේ පිස්සුව හා ඉතා සුලුතරයක් වූ තමාගේ යහපත සදහා අනෙකාව කොල්ලකෑමේ උවමනාව. තමන්ගේ චීත්ත වෙනත් රටවල් සදහා පිටත් කර හරමින් බලශක්ති ව්‍යාපාර හරහා ජනතාවට සුභසෙත සලසනා ආකාරයක් පෙන්වමින් තමන්ගේම රටින් ඒ සදහා ණය මුදල් නිකුත් කරමින් ව්‍යාපෘතිය තමාගේම රටේ ඉන්ජිනේරු සමාගම් යටතට ගණිමින් බොරු දත්ත වාර්ථා හදමින් රටවල් තමන්ගේ ණය කාරයන් කර ගනිමින් ආර්ථික වශයෙන් වෙනත් රටවල් වල කොන්ද කැඩීම තම පිළිවෙත කරගත් ඇමරිකා එක්සත් ජනපදය කමාට විරුද්ධව නැගී සිටිනා ප්‍රගතිශීලී ජන කොටස් බොහොමයක් ත්‍රස්ත්‍රවාදීන් ලෙස හංවඩු ගසා මර්ධනය කලේය. ලොව බොහෝ රටවල් ගණනකට රෝග පීඩාන්දී රැසක් උරුම කල අතර ආගම ඉතා නින්දිත විදියට තෙල් හා කණිජ සමාගම්හි ආරක්ෂාව වෙනුවෙන් භාවිතා කරමින් බොහෝ ගෝත්‍රික කණ්ඩායම් පෘතුවි ග්‍රහයාගෙන් අතුගා ඉවතට විසිකර දැම්මේය.ඉක්වදෝරය, ඉන්දුනීසියාව,ඉරානය කොලොම්බියාව ආදී රටවල් සදහා මැදිහත් වෙමින් ඔවුන් සතු ස්වභාවික පරිසරය විනාශකර දමමින් මහත් ව්‍යසනයන්ට එම රටවල්හි ජනතාව ඇද දැම්මා පමණක් නොව විරුද්ද වන්නන් ඝාතනය කිරීමටද පිරවර ගත්තේය. සෞදි අරාබියේ රජ පවුලේ අල්ලන්ට නොහැකි ඇතැම් අය ස්ත්‍රීන් දී ඇල්ලුවේය. රුසියාවට එරෙහිව ඔසාමා බිල් ලාඩින් ඇතිදැඩි කර මුදාහලේය.

සියලු ජඩවැඩ වසාගැනීමට ආගම භාවිතා කලේය. ආගම් යුද්ධයක් ලෙස ලෝකයට පෙන්වමින් ඉහත සදහන් රටවල්හි භූමිය යට තිබෙන්නාවූ කණිජ සම්පත් කොල්ල කන්නට පටන් ගත්තේය. ගෝලීයකණය වීමේ ලාලසාවක් ලෝකයේ අහිංසක ජනතාවගේ සිත්තුල ඇති කරමින් ජනතා කැමැත්තෙන් රටවල් තුල සැගවී ඇති සම්පත් කොල්ල කෑමට පිඹුරුපත් සකස් කලේය.

ඔයා දන්නවද වෙරෝණිකා ලංකාවේ අපිටත් ඒ දවස්වල ගෝලීය ලෝකෙට ඇතුල් වෙන්න තිබුණේ මාර ඇම්මක්. මං මේ කියන්නේ මං ගැන. ඒක ඒ තරම් සුරංගනා හීනයක් විදියට ලංකාවේ ගම්මාන ඇතුලට පවා ඉහින්න තරම් ඇමරිකන් කාරයා දක්ෂවෙලා තිබුණා. ඇත්තටම ඒක දක්ෂ කමත්නෙමේ අනෙක් රටවල් සූරාකෑමට තියෙන ඕනෑකම.

ආර්ථික කුලී ඝාතකයන්, සී අයි, ඒ මැරවරයන්, ඇමරිකන් හමුදාව යොදාගනිමින් ලෝකය  චණ්ඩිකමින් කොල්ල කෑම එළිපිටම කරන්නට පටන් ගත්තා විතරක් නෙමේ, සී අයි ඒ සංවිධානය එළිපිටම රටවල් කිහිපයක නායකයින් ඝාතනය කරමින් ඒ පිළිබදව ලෝකයට දැන ගන්නට පවා ඉඩකඩ සකස්කලා. සිනමා කෘති තම පටු දේශපාලන උවමනාව වෙනුවෙන් භාවිතා කරමින් ලෝක ජනතාව බියවැද්දීමට සැලසුම් කලා. 2001 රුසියාව දිහාවට හරවපු බිල්ලාඩන් ආපහු ඇමරිකාව පැත්තට හැරෙන්නේ මෙන්න මේ වගේ වෙලාවකදි, ඇත්තටම මේ ගැන මට පොඩි සැකයකුත් තියෙනවා වෙරෝණිකා, බිල්ලාඩන් හිතලා ඇමරිකාව පැත්තට හැරුණද නැත්නම් රුසියාව බිල්ලාඩන්ව ඒ පැත්තට හරවන්න තරම් දක්ෂ වුනාද කියලා.

අල්කයිදා ඇමරිකන් ප්‍රහාරය ඇමරිකාව සලිත කලාසේම ඒ යට සැගවී තෙල් ව්‍යාපාරයේ බලය ශක්තිමත් කර ගැනීමට තම යුධ ශක්තිය භාවිතා කිරීමටද ඇමරිකාව පසුබට වුනේ නෑ. ලෝකයේ අනුකම්පාව ඉල්ලා ස්ත්‍රී කදුලු වපුරවමින් මුස්ලිම් ජාතිය මහා විනාශකාරී , වෙනත් ජාතීන්හි මිනිසුන් වද කරන ,ඉක්මණින් පැතිරෙමින් අනෙක් රටවල්වල බලය අල්ලා ගැනීමට දතකන ජාතියක් ලෙස හංවඩු ගසමින් ඒ සිතුවිලි වෙනත් රටවල් වල මිනිසුන්ගේ හිස් මතට ඇතුල් කරමින් ජාතිවාදය නිර්මාණය කරන්නට විය. ක්‍රිස්තියානි හා බෞද්ධ ආගම් දෙක ඇපයට තබා ගනිමින් මෙම ආගම් දෙකෙහි ජන්මාන්තර වෛරකාරයන් ලෙස පෙන්වමින් ජාතිවාදයෙන් සිත් දූෂණය කිරීමේ පදනම දැම්මේය. ලෝකය අවුලා ඒ අතර තුර ඊට යටින් තමාගේ වුවමනාව සිදුකර ගැනීම ඇමරිකාවේ අභිප්‍රාය විය. කලාපීය බලවතා වීමට දගලන ඉන්දියාව පකිස්තානය හරහා මෙල්ල කරමින්ද, තමාගේ බලයට අභියෝගයක් වන චීනයේ ආර්ථිකය කඩා දැමීමට කටයුතු කරමින්ද ( මේ වන විට ) සිටී.

ලංකාව පැත්තෙන් ගත්තහම මෙහෙමයි වෙරෝණිකා

දෙමල ජාතිය තමන්ගේ ව්‍යාපාර සාර්ථක කරගනිද්දී ඒක මහා ව්‍යසනයක් විදියට සිංහල ජාතියට පෙන්වපු අදිසි හස්ත සිංහල දෙමල ගැටුමක් ලංකාව තුල නිර්මාණය කරන්න සමත්වුනා. සිංහලයන් තුල තිබුණු ව්‍යාපාරික ඉරිසියාව ආගම එක්ක පටලවලා බියක් ලෙස වර්ධනය කරලා ඉතිහාස කතාවලින් ඇදලා ගනිපු වීරයන්ට කියලා ජාතික හැගීම අවුස්සල ලක්ෂ ගණනක් සිංහල දෙමල තරුණ තරුණියන් මේ පොළොවේ සදහටම නිදි කරෙව්වා. කොහොමත් ඇමරිකන් වුවමනාව  තමන්ගේ ප්‍රධාන ව්‍යාපාරික ත්‍රිත්වය ආරක්ෂා කරගැනීම. හා ලෝකයේ ඇතිවන ප්‍රශ්න හා තමා විසින් ඇති කරවන ප්‍රශ්න හරහා තම ප්‍රධාන ව්‍යාපාරයන් හැසිරවීම. මොනවද මේ  ව්‍යාපාරයන් - ආයුධ ඖෂධ සංවර්ධන හරහා ගැට ගැසුනු පොලියට සල්ලි දීම.

ඔයා දන්නවද වෙරෝණිකා ඇමරිකාව පහුගිය යුද්ධය පිටිපස්සේ හිටියා විතරක් නෙමෙයි ඒකෙන් සෑහෙන් පලත් නෙලා ගත්තා. ඒත් ෆොස්පේට් , විල්පත්තු , යාල ( ඇමරිකන් ශ්‍රී ලංකා ඒකාබද්ධ පුහුනුවීම්  කියලා නාඩගමක් නටන්න ලෑස්ති වුනානේ ඇමරිකාව. ඇත්තටම ඒ වෙලාවේ මැදිහත් වුනේ සුනාමිය මිසක් දේශප්‍රේමී සංවිධාන නෙමේ කියලා මං ඔයාට කියන්න ඕන. හේතුව ඒකට ත්‍රස්තුවාදී විරෝධයේ සලුපිලි අන්දලා තිබුනු නිසා දේශප්‍රේමී සංවිධාන වලට යාල කැලේට වෙන හානිය ගැන වැටහීමක් තිබුනේ නෑ. ) ඉරණවිල ආදියේ පටන් බොහෝ සෙල්ලම් මේක අස්සේ නටන්න සැලසුම් කලා, පහුගිය යුද්ධය අතර කාලසිමාව තුල මුස්ලිම් ජනතාව ව්‍යාපාරික අතින් ගොඩ නැගුණා, ඒ අතරේ තමයි මහින්ද තමන්ගේ චණ්ඩි යාලුවන් ආදර්ශයට ගනිමින් චීනය එක්ක යාලුවෙලා සදාකල් බලේ ඉන්න සූත්‍රය සජ්ඡායනා කරන්න පටන් ගන්නේ. ඇමරිකන් අදිසි හස්තය මින් උපරිම පලනෙලා ගන්නට ඇතැයි මට විශ්වාසය. ඒ සිංහලේ වීර වංශ කියනා අයුරින් ළදරු විදියට නෙමේ. ( ඔහුට අනුව සියල්ල කුමණ්ත්‍රණය. මට අනුව එසේ නොවේ. එහෙත් විමල් ලවා කුමණ්ත්‍රණ යන්න විහිලුවකට ලක් කිරීමට ඇමරිකාව පියවර ගත්තාදැයි සැකයක් ඇතැයි කියන්නේ මේ දිග ලිපියෙන් වෙහෙසට පත් ඔයාව ටිකක් හිනැස්සවීම හොදයි කියා සිතුණු බැවිනි. ) ලාංකීය මුස්ලිම් ජනතාව හා සිංහල ජනතාව අතර ආගම් ප්‍රධානකොටගත් යුද්ධයක් හදිසියේ ඇවිලවීමට කටයුතු යෙදීම මාගේ අදහස අනුව කුමණ්ත්‍රණයකි. කවුරුන් දඩමීම කරගෙන එය ඇති කරත් ඇමරිකාව ඒ පිටුපස සිටින්නේ යැයි මම පුද්ගලිකව විශ්වාස කරමි. ඊට ප්‍රධාන වශයෙන් කාරනා කිහිපයක් හේතුලෙස මම දකිමි.

01 සුනාමිය වෙලාවේ ගාල්ල නගරයට බැසගත් ඇමරිකන් බටයන්,( ඇමරිකන් ශ්‍රී ලංකා හමුදා අතර පැවැත්වීමට යෙදී තිබුණු ඒකාබද්ධ හමුදා පුහුණුවීම් සදහා ගෙන ආ ආයුධ සියල්ල සුනාමියෙන් මුහුදට ගසාගෙන ගොස් තිබූ නිසා ඒවා සොයන්නට පැමිණි ) ආයුධ සෙවීම අතර මුස්ලිම් ජනතාව පිළිබදව සෙවීමට වැඩි උනන්දුවක් ගත්තෝය.

02 අල්කයිදා සංවිධානය සමග ලාංකීය මුස්ලිම්වරු සම්බන්ධයක් කටකතා පැතිර ගිය අතර දැන් එය එස් අයි එස් සමග සම්බන්ධ බවද පසුගිය දිනෙක මියගිය එස් අයි එස් බටයෙක් ලංකාවේ අයෙක් යන්න ආදී වශයෙන් කතාන්දර ගොඩ නැගෙමින් පැවතීම.

03 මහින්ද රාජපක්ෂගේ පරාජයෙන් පසුව හදියේම යුධ අපරාධ පරීක්ෂණය නවතා ලංකාවටම එය කැමති පරිදි කරගන්නැයි පවසා ලංකාව පිළිබදව පුදුම තරමේ කැක්කුමකින් කටයුතු කිරිමය. අනෙක් කාරණය නම් සිරිසේන ජනාධිපතිවරයා වෙත පාන්නාවූ වැඩි සෙනෙහසයි. මෙවරද ගෙන්වා ගත්තේ ඔහුය. රනිල් ගියේ ඉන්දියාවටය. ලෝක නයකයින් සමග ගත්කල ඇමරිකාව හා ගනුදෙනු කිරිමට වර්ථමාන ජනාධිපතිවරයා පොඩි වැඩිබව මාගේ අදහසයි. කෝකා කෝලා තෙල් කාන්දුව වෙලාවේ ඔහුගේ හැසිරීමද ඇරිකාවට ඔහු පිළිබදව ආදරයක් හා වැඩි විශ්වාසයක් තැබීමට ප්‍රමාණවත්ය.

කෙසේ හෝ මා සදහන් කල මක්කම සිදුවූ සිදුවීම ඉබේ සිදුවූවක්ද නැතිනම් එයත් ඇමරිකාවේ සැලැස්මක්දැයි මම නොදනිමි. මට ඊට සාධාරණ සැකයක් ඇත. හේතුව ඇමරිකාව ඔවැනි කඩප්පුලි වැඩ කර තිබෙන්නේ අද ඊයේ නොවේ. කෙසේ වෙතත් සිංහල මුස්ලිම් ගැටුමක් ඇතිවනු නොදැකීම මාගේ ප්‍රාර්ථනයයි. ඒ අන් කිසිවක් නිසානොව දිගින් දිගටම ඇතිවෙමින් තිබෙන තත්වයන් හා නොබෝ දිනෙක සිට කඩා වැටෙමින් පවතින චීන ආර්ථික ආදී කරනු දෙස බැලීමේදී ලංකාව ඇමරිකාවට වැදගත් සාධකයක් හා භූමියක් වෙන නිසාවෙනි. දැන් අපට සිටින්නේ සුජාතම ජනාධිපතිවරයාම නොවෙන බව අප සිහිතබාගත යුතුය. මන්ද තමාට වුවමනා දේ කර හිමිච්ජාවගේ වගේ හිදීම ඔහුගේ එක් ස්වභාවයක් නිසාවෙනි. මේ වඩාත්ම අවධියෙන් සිටිය යුතු කාලය බැව් මගේ අදහසයි.

මම දැන් නවතිනවා වෙරෝණිකා .

චාමර ප්‍රසන්න කොඩිතුවක්කු

වසන්තයට අතපසු වු පෙරවදන....

“ජිවිතයත් හරියට කාළගුණය වගේ..... වෙලාවක හරිම සුන්දරයි... තවත් වෙලාවකට හරිම සෝචනීයයි. එත් ජිවිතය නොනැවති ඉදිරියටම ගලා යමින් පවතියි. අපිට පුළුවන් මේ සියල්ල අතර දෝලනය වන්න විතරයි.“

ඊයේ රාත්‍රි යේ සිටම ඇද හැලෙන මහා වැස්ස මුළු පාලතම අදුරක ගිල්වමින් තිබුණා. එත් සුබ නැකත් එළඹෙන එක නවතින්නේ නැහැ.  පුංචි පුංචි වැහි බිංදු රූ රා වැටෙන ගස් කොලන් අතරින් ඇය සුරංගනාවියක් වගේ පුංචි මල් කිණිත්තක් අත දරාගෙන පැමිණෙමින් තිබුණා. කවදාවත්ම දැක නැති කොණ්ඩ මෝස්තරය නිසාම ඇය වඩා ත්ව්ර ලෙස පෙනෙන්නට වුණා. තැතිගැන්මක් එක්ක මොකකදෝ බියක් ඇගේ අැස් අග ලියවිලා තිබුණා. මං බලා උන්නා මඩ කඩිති උඩින් පැන සුරංගනාවියක් පාවෙන අයුරු.

     “ මං ලස්සනද......“

ඇය ලස්සනය බාහිරෙන් පමණ් නොව ඇගේ හදවතින්ම
ඇය ලස්සනය දොකොපුල් පමණක් නොව හාදු වලිනුත්
ඇය ලස්සනය මනස්කාන්ත දෑස් වලින් පමණක් නොව බැල්මෙනුත්
ඇය ලස්සනය...........

දහසකුත් වචන වලට එහා ගිය සිනහාවකින් ඇය අතේ වු මල්කිණිත්ත මගේ කෝට් එකේ රැදෙව්වා. එත් ඇය මගේ පපුවට තුරුලු වුයේ නැත. ඒ ඇය තුල වු තැති ගැන්ම නිසාවෙන් විය හැකිය.

ඒ තැති ගැන්මට එහා ගිය හදිස්සියක් ඇයට තිබුණා..... එත් මං හිටියේ දෙලොවක් අතර.... ඇගේ ප්‍රේමය අභිමුව මං හැමදාම දියවෙලා යනවා. මං හැමදාම පරාජය වෙලා යනවා. 
බොහෝ අය ලස්සනට ඇදගෙන ඇවිත් තිබුණා, සතුටු කතා මැද ප්‍රිති සිනහා දෝරේ ගලමින් තිබුණා. තම තමන්ගේ පිංතූර ගනිමින් සතුටු සාමිච්චියේ යෙදෙනෙ කෙල්ලන්ගේ මුකුළුව වැස්සේ තිබු ගුප්ත බව මෙලෙක් කලා. මට ඇය දුටු වෙලෙ පටන් ඕන කළේ ඇගේ දෙතොල් සිප ගන්න. එත් ඇගේ මයාව නැතිවෙතැයි බියෙන් මං මගේ ආසාවල් හැමදාම වගේ හංග ගත්තා. කතා මැද කාළය ගෙවෙමින් නිත්‍යානුකූලව අපි විවහා ගිවිස ගත්තා. නිතියෙන් අපි එක්වුණා. නිතියට වඩා වේගයෙන් කාළය ගෙවි යනවා. ප්‍රේමවන්තයෝ අඹුසැමියෝ වෙනවා...... ජිවිතය සුසුම් මැදින් දිග හැරෙන්න ගන්නවා. ආදරය හෙට වගේ ප්‍රර්ථනාවක් වෙනවා......


            “වචන අතර ගොඩ ගහපු ඔයාගේ ජිවිත නිසා මං මගේ ජිවිත ගිණි තියා ගත්තා“


සුරංගනාවියකගේ ඇස් වලින් වැස්ස වගේ කදුළු දෝරේ ගලනවා. ආයේ වසන්තයක් එ්වියැයි කාට නම් සපත කළ හැකිදැයි මම නොදනිමි. එත් ජිවිත ඉදිරියට ඇදෙමින් තිබේ. තවම ඇය ඉස්සර වගේ මගේ ළයේ හිස හොයාගෙන උණුහුමක් සොයමින් සිටියි.

   “ ආදරේ අපිට කරන්න පුළුවන් දෙයක් නෙවෙයි..... එක් අපි තුල නිරායාසික උත්සාහයකින් උත්පාදනය වන ශක්තියක්..... අපිට පුළුවන් එක විදින්න විතරයි....“ 
දිගු හුස්මක් පිට කරමින් මං ඇයට පැවසුවා.

ඇය දිගු සුසමකින් ලය පුරාවාගෙන අනෙක් පස හැරි නින්දට වැටුණාය..........