Monday, September 26, 2011

ආදරය කරන්න ඔබ සුදානම් ද...??



ආදරය නිර්-හිමිකාරකමක්. ආදරය යම් කෙනෙක් සමග කරන්න ඇති දෙයක් නෙවෙයි. එය ඔබගේ පැවැත්මේ තත්වයයි. ආදරය කියන්නේ සම්බන්ධතාවක් නෙවෙයි. සම්බන්ධතාවක් ඇති කර ගන්න පුළුවන්, නමුත් ආදරය සම්බන්ධතාවක් නෙවෙයි. සම්බන්ධතාවක් පවතින්න පුවවන් නමුත් ආදරය එයට සීමා නොවු ඊට වඩා වැඩි යමක්.

ඔබ ආදරවන්තයෙක් බවට පත් වෙන්න කලින්, ඔබ ආදරය බවට පත්වෙන්න ඔනේ. මිනිස්සු හිතන්නේ ඔවුන් ආදරය බවට පත්වෙන්නේ ආදරවන්තයින් බවට පත්වීමෙන් පමණයි කියලා. ඔබට ආදරය නැතිව ආදරවන්තයෙක් වෙන්න බැහැ. 

ප්‍රේක්ෂකයකු රහිතව ඔබට නර්තනයේ යෙදෙන්නට පුළුවන්. ඒ වගේම, ඇයි ඔබට ආදරය කරන්න බැරි එතැන යම් කෙනෙක් නැතිව? ඔබේ මනස වැරිදී අන්දමට තත්වාරෝපණය කරලා. ඔබ හිතන්නේ ඔබට ආදරය කරන්න හැක්කේ එතැන ආදරය කරන්න යමෙක් ඉන්නවා නම් පමණයි කියලා. 

කවුරුත් මත යැපෙන ආදරයක්, බොහෝම දුප්පත් ආදරයක්. ඔබගේ ඇතුලාන්තය නිර්මාණය කලා වු ආදරය, ඔබගේ පැවැත්ම තුලින්ම ඔබ නිර්මාණය කරන ආදරය තමයි සැබෑ ශක්තිය. 

ආදරය එය හැටියටම විකසිත විය හැක්කේ එය ඉල්ලා නොසිටීමේදීය. එය කේවලයක් නොවුනාමයි. එය තමන්ම එන විටදී, අවිඥාණිකව පවා, එය අතිශය ලස්සනක් තිබේනවා. ආදරය හට ගන්නේ නිදහස් මිනිස්සු දෙදෙනෙක් අතරයි. එකිනෙකාගේ වහල්ලු දෙපළක් අතර නෙවෙයි. 

ඕෂෝ සංවාද || ජෝ. සෙනවිරත්න

No comments:

Post a Comment