තමන්ටත් තමන්ව නැති වුණ යුගයක බොහෝ අය ආදරය කියලා වාණිජ ගණුදෙනුවක නිරතවෙමින් ඉන්නවා. තමන් තුල උතුරා යන හැගීම් ප්‍රමාණය කාළයක් තිස්සේ ගල් කර තබා ගැනීම හේතුවෙන් ඔවුන් අසංවේදී මිනිසුන් බවට පත්ව හිදියි.
වෙරෝනිකා.........
ආදරය වෙනුවෙන් ඔනේ දෙයක් කිරිමට පෙර දැරීව උන් ඔයාත් සුළගට ගහං ගිහිං. හැමදේම අත්හැරලා දාලා පවතින ක්‍රමය තුල ස්ථාවරයක් හොයා ගන්න ඔයා දගලන දැගලිල්ල.....
වෙරෝනිකා.......
මේ දුවක රේස් එකේ මාවත් අරං දුවන්න ඔයා අප්‍රමාණ උත්සහා කලා තමයි අතරමග මාව දාලා යන්න බැරිකමට. එත් වෙරෝනිකා... මට ඔනී හැල්මේ දුවන මිනිසුන් දිහා පැත්තකට වෙලා බලා ඉන්න. දුවන මිනිස්සු මොහොතකට නැවතිලා මා දිහා බලලා පව් මෝඩයා කියන එකට ඔයා ඔච්චර බය වුණාද...?? ආත්මයක් බරට ඔයාට ආදරය කරන්න මට පුළුවන් වුණේ කල් වේලා අරං ඔයාව කියවන්න මට තිබුණු හැකියාව නිසයි, පුංචි කුරුලු පැටියෙක් සේ නිදහසේ සැරිසරන්න අහසක් තරම් ආදරයක් ඔයාට ලැබුණේ හැල්මේ දුවන්නේ නැතිව ඔයාව තේරුම් ගත්තු හින්දයි.
වෙරෝනිකා......
ලෝකය කොහොමත් ලගදිම විනාශ වෙනවා.......
ඉතිං ඇයි මේ හදිසියේ විනාශය දෙසට දුවන්නේ.... එන්න අපි විවේකිව ජිවිතය විදගමු......
No comments:
Post a Comment